Билл Гейтс биринчи марта дунёнинг «энг бой икки инсони» сафидан чиқиб кетди
«Microsoft» компанияси асосчиси миллиардерлар индекси етти йиллик тарихида илк маротаба учинчи ўринга пастлади. Бу ҳақда «Bloomberg» хабар берди.
Гейтснинг «иккинчи ўрни»га «Louis Vuitton Moët Hennessy» компаниялари гуруҳи президенти Бернар Арно кўтарилди. «LVMH» соф қиймати 107,6 миллиардга ошгани французнинг америкалик бизнесмендан 200 млн. долларга ўзиб кетишига асос бўлди.
Арно ўтган йили Европанинг энг бой кишиси сифатида эътироф этилганди.
Бироқ, экспертларнинг таъкидлашича, агарда пулларини хайрияга ишлатмаганида Билл Гейтс жаҳондаги энг бой инсон мақомини ҳозир ҳам сақлаб турган бўларди. У Билл ва Мелинда Гейтс хайрия жамғармасига шу пайтгача 35 миллиард доллар ўтказиб берган.
Энг бой инсонлар рўйхати етакчиси — «Amazon» асосчиси Жефф Безоснинг бойлиги 125 миллиард долларга баҳоланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter