Аргентина собиқ президенти Фернандо де ла Руа вафот этди
Аргентинанинг собиқ президенти Фернандо де ла Руа вафот этди. Бу ҳақда «РИА Новости» хабар бермоқда.
Фернандо де ла Руа 1999—2001 йилларда Аргентина президенти бўлган. Де ла Руа 1999 йилда президентликка киришган, аммо 2001 йилнинг декабрида иқтисодий инқироз сабаб кучайиб кетган оммавий тартибсизликлар сабаб истеъфога чиққанди.
81 ёшли собиқ президент Буэнос-Айресдаги клиникага оғир аҳволда келтирилган ва врачлар унга юрак ва буйрак етишмовчилиги ташхисини қўйишганди.
Де ла Руа шу йил бошида ҳам шифохонага тушиб, бир ой даволанганди. Собиқ президент 2018 йили икки марта инфарктни бошдан ўтказган.
Аргентинада уч кунлик мотам эълон қилинди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter