Ўн йил олдин учирилган ракета бўлаклари одамлар устига тушиши мумкин
Американинг «CNBС» телеканали хабар беришича, 10 йил аввал учирилган «Atlas V» ракетасининг қолдиқлари секин-аста «орбитадан тушиб келяпти». Бу ҳақда «Life» ёзмоқда.
Ракета бўлаклари шунчалик каттаки, бу атмосферанинг қалин қатламларини ёриб ўтиб, одамларнинг «бошига» тушиши учун етарли.
2009 йили америкаликлар учирган «Атлас»нинг бўлаклари ҳалиям фазовий кенгликларни сайр қилиб юрибди. Бу ерда гап ракетанинг айрим сабабларга кўра 10 йилдан бери «орбитадан тушмаган» иккинчи босқичи ҳақида кетяпти.
Айтишларича, айни пайтда Ернинг турли баландликдаги орбиталарида космик қурилмаларнинг 12 мингдан ортиқ йирик бўлаклари кезиб юрибди. Бу «космик чиқиндилар» тадқиқот лойиҳаларидан тортиб бошқарилувчи кемаларгача — барча фазовий миссияларга халақат бериши мумкин. «Космик чиқинди» рўйхатига киритилган жами қурилмалар сони эса 500 мингтага яқинлашиб қолди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter