Хабарлар тезкор Телеграм каналимизда Обуна бўлиш ×

Миллий ҳайдовчилик гувоҳномасини бериш тартибига ўзгартириш киритилди

Миллий ҳайдовчилик гувоҳномасини бериш тартибига ўзгартириш киритилди

Ўзбекистон Республикаси Вазирлар Маҳкамасининг 2019 йил 9 мартдаги 202-сон қарорига мувофиқ, миллий ҳайдовчилик гувоҳномасини бериш тартиби тўғрисидаги қонунчиликка қўшимча киритилди. Бу ҳақда Адлия вазирлигининг «Ҳуқуқий ахборот» каналида хабар берилди.

Низомга киритилган қўшимчаларга мувофиқ, гувоҳномаларни алмаштиришда қуйидагиларни талаб қилиш тақиқланди:

— ҳайдовчининг имтиҳон варақаси;
— миллий гувоҳномани берган ЙҲХБ тасдиқномаси;
— тиббий маълумотнома;
— транспорт воситасини 12 ой бошқарганлигини тасдиқловчи ҳужжат.

Яъни, 2020 йил 31 декабргача миллий ҳайдовчилик гувоҳномаларини янги гувоҳномаларга алмаштириш учун паспорт ва эски намунадаги ҳайдовчилик гувоҳномаси ҳамда унинг талонигина тақдим этилади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг