Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Тошкентда илк марта «Tashkent Book Fest» халқаро китоб-кўргазма ярмаркаси ўтказилади

Тошкентда илк марта «Tashkent Book Fest» халқаро китоб-кўргазма ярмаркаси ўтказилади

Фото: Ахборот ва оммавий коммуникациялар агентлиги

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги манфаатдор вазирлик ва идоралар билан ҳамкорликда "Tashkent Book Fest" халқаро китоб кўргазмасини ташкил этмоқда. Бу ҳақда Агентлик Ахборот хизмати хабар берди.

Кўргазма жорий йилнинг 2-4 октябрь кунлари "Ўзэкспомарказ" Миллий кўргазмалар мажмуасида бўлиб ўтади. Халқаро китоб кўргазма ярмаркасига ташриф буюрганлар хорижий ва маҳаллий нашриётларнинг янги ва нодир китоблари билан танишиш, янги асарлар тақдимотида иштирок этиш, чет эл ва ўзбек адиблари, муаллифлари билан учрашиш имконига эга бўладилар.

Тадбир доирасида ёзувчи, шоир ва рассомлар билан ижодий суҳбатлар бўлиб ўтади. Шунингдек, соҳага оид семинарлар, маҳорат дарслари, тренинглар ва кўплаб акция ҳамда китоб танловлари ўтказилади.

Халқаро китоб кўргазма ярмаркаси — турли мамлакатларнинг соҳа мутахассислари ўртасида тажриба ва фикр алмашиш, малака ошириш учун ажойиб майдон бўлади.

Барча китобсеварлар Тошкент халқаро китоб кўргазмаси ярмаркасига таклиф этилади. Мурожаат учун телефон — 71 244 23 72/

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг