Хабарлар тезкор Телеграм каналимизда Обуна бўлиш ×

Япониядаги мактабда коронавируснинг янги ўчоғи аниқланди

Япониядаги мактабда коронавируснинг янги ўчоғи аниқланди

Фото: ТАСС

Япониянинг жануби-ғарбидаги Кюшу оролидаги Китакюшу шаҳрида бошланғич мактабда коронавирус инфекциясининг янги ўчоғи аниқлангани маълум қилинди.

Таъкидланишича, олдинроқ Китакюшу мери коронавирус инфекциясининг янги ўчоқлари қайд этилиши муносабати билан касалликнинг иккинчи тўлқини бошланганини эълон қилган эди. Шифокорлар инфекциянинг тарқалишининг манбаларини аниқлай олмаган. Айни пайтда шаҳарда сўнгги тўққиз кун ичида коронавирус инфекциясининг 97 ҳолати қайд этилган. Бу мамлакатда сўнгги бир ярим ойлик кўрсаткичдан юқоридир.

Касалликнинг қайтадан тарқалиши хавфи туфайли Китакюшу маъмурлари 31 майдан 18 июнгача кутубхоналар, музейлар, театрларни ўз ичига олган ижтимоий ва маданий объектларни ёпишди. Бошланғич ва ўрта мактабларда ўқувчилар учун қисқартирилган ўқув куни жорий этилади.

Эслатиб ўтамиз, Японияда сўнгги маълумотларга кўра, коронавирус инфекциясига чалинганларнинг умумий сони 17 624 нафарни ташкил этади. Эпидемия бошлангандан бери мамлакатда 910 киши вафот этган, яна 120 бемор оғир аҳволда. 15 113 киши касалликдан тузалган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг