Украинада кундан-кунга аянчли рекорд янгиланмоқда
Ўтган бир кеча-кундузда Украинада 2430 та коронавирусни юқтириш ҳолати қайд этилди. Шу билан бирга, бир кун ичида COVID-19 туфайли вафот этганлар сони бўйича рекорд ўрнатилди. Бу ҳақда Украина миллий хавфсизлик ва мудофаа кенгаши коронавирус эпидемияси тарқалишини мониторинг қилиш тизими сайтида хабар берилган.
Бир кеча-кундузда мамлакатда 54 киши коронавирус инфекциясидан вафот этди. Пандемия бошлангандан буён умумий ўлим ҳолатлари сони 2710 тага етди. Ўлим сони бўйича олдинги антирекорд чоршанба куни ўрнатилганди: 2 сентябрда бир кунда 51 киши оламдан ўтгани хабар берилганди. 1 сентябрь куни эса 48 та ўлим ҳолати қайд этилганди.
Украинада касалликка чалинганлар умумий сони 128 228 кишини ташкил этмоқда. Кенгаш котиби Алексей Данилов украинларни агар карантин қоидаларига амал қилмаса, 25 октябргача COVID-19 билан касалланганлар сони мамлакатда 360 минг кишига етишидан огоҳлантирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter