Хабарлар тезкор Телеграм каналимизда Обуна бўлиш ×

Наманганда 2 ойлик чақалоқ ҳам коронавирусга чалингани маълум қилинди

Наманганда 2 ойлик чақалоқ ҳам коронавирусга чалингани маълум қилинди

Иллюстратив фото

Наманганда коронавирус инфекциясига чалинганлар орасида 2 ойлик чақалоқ ҳам борлиги маълум бўлди, деб хабар бермоқда «Дарё» мухбири.

Аввалроқ Туркия орқали Умра сафарига бориб келган аёл билан бевосита ва билвосита мулоқотда бўлган 48 кишида инфекция аниқлангани хабар қилинганди. Улардан бири — аёлнинг 72 ёшли онаси вафот этган.

Вилоят соғлиқни сақлаш бошқармаси ахборот хизматига кўра, касалликка чалинганлар орасида 2 ойлик чақалоқ — аёлнинг набираси ҳам бор. Чақалоқнинг онаси топширган таҳлил натижалари эса инфекция йўқлигини кўрсатган.

Маълум бўлишича, аёлнинг қариндошларидан ташқари, қўшнининг икки нафар фарзанди ҳам вирус юқтириб олган. Улар 19 март куни Наманган шаҳридаги тантаналар мажмуаларидан бирида ўтказилган тўйда куёвжўра сифатида қатнашади. Оқибатда тўй эгалари ва тўйга келган меҳмонлардан 13 нафарига вирус юқишига сабабчи бўлади.

Наманганда бугунги кунгача 51 кишида коронавирус инфекцияси аниқланган. Улардан 35 нафари аёллар, 16 нафари эркаклардир.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг