Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Коронавирус тарқалиши тезлашди

Коронавирус тарқалиши тезлашди

Фото: «News.yandex.by»

Дунёда коронавирус тарқалиши тезлашди, дея хабар берди «Daily Mail».

Нашрнинг маълум қилишича, май ойининг биринчи ҳафтасида кунига 86 мингталаб янги юқтириш ҳолатлари қайд этилганди. Бироқ сўнгги ҳафтада бу кўрсаткич бирданига кўтарилиб, тахминан 114 мингта ҳолатни ташкил этмоқда. Бу коронавирусдан энг кўп азият чекаётган мамлакатларда касалланиш ҳолатининг кўпайиши билан боғлиқ: Ҳиндистон, Россия ва Жанубий Америка давлатлари.

Шунга қарамай, COVID-19 туфайли ўлим статистикаси пасая бошлаган. Мана, масалан, максимал кўрсаткич 16 апрель куни қайд этилган — ўшанда бир миллион кишига 1,35 та ўлим тўғри келган. Айни вақтда ўлим даражаси икки баравар камайиб, 0,67 тани ташкил этмоқда. Кунлик ўлим сони май ойининг бошида 5,1 минг кишини ташкил этган бўлса, ҳозир 4,3 мингтагача камайган.

Сан-Раффаэль шифохона раҳбари Альберто Зангрильонинг сўзларига кўра, бундай динамика вируснинг заифлашганидан далолат. Унинг фикрича, янги беморлардаги патогенлар сони касалликни эртароқ юқтирганларга қараганда камроқ аниқланган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг