Хабарлар тезкор Телеграм каналимизда Обуна бўлиш ×

Жомбойда уч нафар тиббиёт ходимида коронавирус аниқланган

Жомбойда уч нафар тиббиёт ходимида коронавирус аниқланган

Фото: Xabar.uz

Жомбойда коронавирус билан боғлиқ вазият ҳақида Жомбой туман ҳокимлиги ахборот хизмати хабар бериб ўтди.

Айни вақтда Жомбой тумани хавф даражаси ўртача – «Сариқ» тоифага киритилган. Туманнинг Тойлоқ, Ургут, Пайариқ ва Оқдарё туманлари ҳамда Самарқанд шаҳри билан туташ ҳудудлари, хусусан, Қарапчи, Олмазор, Нўш, Тут, Зарафшон маҳаллаларида кучайтирилган тартибли блок-постлар ташкил қилинган. Туманда кириш-чиқиш чекланган алоҳида ҳудуд мавжуд эмас.

Зарафшон, Тут ҳамда Нўш маҳаллаларида доимий рўйхатда турган фуқароларда хасталик аниқланган. Улар Республика шошилинч тиббий ёрдам илмий маркази ҳамширалари бўлган ва хасталик аниқланган вақтда туман ҳудудида бўлмаган. Оила аъзолари, яқин қариндошлари, қўшнилар тиббий кузатувга олинган. 14 кунлик карантин даврида уларнинг бирортасида инфекция аниқланмаган. Ҳар уч ҳудудда аҳолининг карантин қоидаларига амал қилиши қатъий назорат қилинмоқда.

Туман ҳудудида бир оиланинг 3 нафар аъзоси стационар карантинда сақланмоқда. Уй қўриқловига олинган фуқаролар мавжуд эмас.

Туман ҳудудида истиқомат қилган уч нафар тиббиёт ходимида коронавирус аниқланган. 767 нафар жомбойлик тиббий текширувдан ўтказилди. Уларнинг 764 нафарида инфекция аниқланмади. 3 нафар кузатувдаги шахснинг таҳлил натижаси кутилмоқда.

Жомбойлик бир нафар бемор хасталикдан соғайиб, бугунги кунда реабилитация марказига жойлаштирилган. Шу пайтгача туман бўйича карантин қоидаларини бузган 70 нафар шахсга нисбатан маъмурий баённома расмийлаштирилган.

Туманга хориждан 12 нафар шахс кириб келган. Улар тўлиқ карантин муддатини ўтади. Хасталик аломатлари аниқланмади.

«Сариқ» тоифада бўлгани учун фуқаролар жуда зарур бўлмаган тақдирда тумандан ташқарига чиқиши чекланган. Фақат махсус рухсат этилган автотранспорт воситалари билан Самарқанд шаҳрига кириб-чиқиш мумкин.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг