Хабарлар тезкор Телеграм каналимизда Обуна бўлиш ×

Бугун «АЪЛО ТАКСИ» микроавтобуслари Тошкентдан Жиззахга қайтаётган талабаларга бепул хизмат кўрсатади

Бугун «АЪЛО ТАКСИ» микроавтобуслари Тошкентдан Жиззахга қайтаётган талабаларга бепул хизмат кўрсатади

Юртимизда коронавирусга қарши туриш мақсадида талабаларга муддатидан аввал таътил берилган эди. Шундан сўнг вилоятларга қатновчи такси нархлари кескин кўтарилиб кетди.

Шу сабабли Жиззах вилоятига қайтаётган талабаларни «АЪЛО ТАКСИ» микроавтобуслари текин олиб кетиши ҳақида хабар берилди.

«Шу кунларда уйига қайтиш ниятида бўлган, аммо айрим инсофсиз таксичилар йўлкира нархини асоссиз ошириб юборгани сабаб қийналган жиззахлик талабалар учун муҳим янгилик.

2020 йилнинг 18 март куни Тошкентдан Жиззах томон йўналишда «АЪЛО ТАКСИ»га тегишли бўлган барча микроавтобуслар талабаларга БЕПУЛ хизмат кўрсатади», — дейилади «Жиззах ёшлари» канали хабарида.

Мурожаат учун «Аъло престиж сервис» МЧЖ маъмурияти телефон рақами: +998722222222.

Эслатиб ўтамиз, бугун Қашқадарёга қайтаётган талабаларни олиб кетиш учун 100 га яқин енгил машина, 20 автобус ва 4 микроавтобус йўлга чиқиши ҳақида хабар берилган эди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг