Хабарлар тезкор Телеграм каналимизда Обуна бўлиш ×

Тошкент телеминорасига паспортсиз кириш имкони яратилади

Тошкент телеминорасига паспортсиз кириш имкони яратилади

Фото:«Xabar.uz»

Тошкент телеминорасига паспортсиз киришни йўлга қўйиш режалаштирилмоқда. Бу ҳақда Тошкент шаҳар ҳокимлиги матбуот хизмати хабар берди. 

«Маълумки, Тошкент телеминораси стратегик аҳамиятга эга объект ҳисобланади. Шу боис бу ерга шахсни тасдиқловчи ҳужжат орқали киритилади. Бошқа ҳолларда эса телеминора гўзаллигини фақат ташқаридан кузатиш мумкин.

Пойтахтимизда сайёҳлик имкониятларини кенгайтириш ва туристлар учун қулайлик ва шароитларни яратиш борасида кенг кўламли ишлар олиб борилмоқда. Тошкент телеминораси маъмуриятининг маълум қилишича, тез орада ушбу масканга шахсни тасдиқловчи ҳужжат билан кириш тартиби бекор қилиниши режалаштирилмоқда» дейилади ушбу хабарда.

Тошкент телеминораси баландлиги бўйича жаҳоннинг 200 дан ортиқ миноралари орасида 11-ўринни эгаллайди. Телекўрсатувлар кўламининг кенгайиши муносабати билан кучли радио-телевизион узатиш станцияси қурилишига эҳтиёж пайдо бўлганлиги сабабли Бўзсув каналининг ўнг соҳилида 1978–85 йилларда мазкур иншоот бунёд этилган. Тошкент телеминораси 3 та конуссимон тиргакка ўрнатилган. Ундан Бутунжаҳон буюк миноралар федерациясига бағишланган музей, «Коинот» ресторанининг «Алвон» ва «Мовий» заллари, кузатув майдончалари ўрин олган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг