Хабарлар тезкор Телеграм каналимизда Обуна бўлиш ×

Тошкент шаҳрига янги бош имом-хатиб тайинланди

Тошкент шаҳрига янги бош имом-хатиб тайинланди

Фото: Ўзбекистон Мусулмонлар идораси

25 август куни Ўзбекистон мусулмонлари идорасининг Андижон вилоятидаги вакили, вилоят бош имом-хатиби Нуриддин домла Холиқназаров Тошкент шаҳар бош имом-хатиби лавозимига тайинлангани эълон қилинди. Бу ҳақда Ўзбекистон мусулмонлари идораси Матбуот хизмати хабар бериб ўтди.

Нуриддин домла Холиқназаров 1968 йилда Андижон вилояти Асака шаҳрида зиёли оилада таваллуд топган. 1992 йилда Бухоро шаҳридаги Мир Араб мадрасасини, 1998 йилда Имом Бухорий номли Тошкент ислом институтини, 2007 йилда Фарғона давлат университетини тамомлаган.

Иш фаолияти давомида Нуриддин домла Холиқназаров Андижон вилояти Асака шаҳри «Аҳмадали Махдум» жоме масжиди имом-хатиби, Тошкент шаҳри Юнусобод тумани «Оқ тепа» жоме масжиди имом-хатиби ва шу кунга қадар Ўзбекистон мусулмонлари идорасининг Андижон вилояти вакили, вилоят бош имом-хатиби вазифаларида меҳнат қилган.

Ўзбекистон мусулмонлари идораси Нуриддин домла Холиқназаровга ушбу шарафли вазифада, халқимизнинг диний-маърифий эҳтиёжини таъминлаш йўлида Аллоҳ таолодан куч-қувват сўрайди. Шу пайтгача пойтахт бош имом-хатиби вазифасида меҳнат қилиб келган Раҳимберди домла Раҳмонов «Минор» жоме масжиди имом-хатиби вазифасида иш фаолиятини давом эттиради.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг