Хабарлар тезкор Телеграм каналимизда Обуна бўлиш ×

Ўзбекистон Туркистон шаҳрида улкан масжид қурмоқда

Ўзбекистон Туркистон шаҳрида улкан масжид қурмоқда

Фото: «Kazinform»

Қозоғистоннинг Туркистон вилоятида 5 мингдан ортиқ кишига мўлжалланган улкан масжид қурилмоқда. Ўтган йили тамал тоши қўйилган масжид қўшни Ўзбекистоннинг Туркистонга тортиқ қилган туҳфасидир, деб хабар беради Kazinform мухбири.

Вилоят ҳокими Ўмирзақ Шўкеев шаҳарга кираверишда қад кўтараётган масжид қурилиш ишлари билан танишди. Дунёнинг энг яхши тажрибаларини ўзида мужассам этган меъморчилик обидасининг ички ва ташқи кўриниши шарқона услубда безатилади. Ноёб лойиҳа Ўзбекистон президенти Шавкат Мирзиёев томонидан қўллаб-қувватланмоқда.

Фото: «Kazinform»

Туркистон шаҳрида барпо этилаётган масжиднинг умумий майдони 5 минг квадрат метрни ташкил қилади. Масжиднинг ташқарисида 3 минг киши намоз ўқиши мумкин.

Архитектура мажмуасида мусулмон маросимлари ўтказиладиган жойлар, конгресс зали, тўй саройи, 180 ўринли мадраса, кутубхона, ошхона, спорт майдончаси, 500 машинага мўлжалланган автопарк ва ажойиб фаввора бўлади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг