Хабарлар тезкор Телеграм каналимизда Обуна бўлиш ×

«Ўзбекистон почтаси» фирибгарлик ҳақида огоҳлантирди

«Ўзбекистон почтаси» фирибгарлик ҳақида огоҳлантирди

Айни вақтда «Ўзбекистон почтаси» АЖ номидан баъзи ижтимоий тармоқлар ва «Telegram» мессенжерида «Samsung Galaxy S10» мобиль телефонини ютиб олиш имконияти мавжудлиги борасида амалга оширилаётган акция ҳақида спам-хабар тарқатилмоқда. Бу ҳақда компания матбуот хизмати хабар берди.

Совринни олиш учун иштирокчиларга 18 000 сўм миқдоридаги етказиб бериш тўловини амалга ошириш таклиф этилмоқда.

Шу сабабли «Ўзбекистон почтаси» АЖ ҳеч қандай промоакцияларни ўтказмаётгани ва тарқатилган маълумотлар ҳақиқатдан йироқ эканлигини маълум қилган.

«Ушбу фирибгарликдан эҳтиёт бўлишингизни, ўз шахсий маълумотларингизни, шу жумладан, пластик картангиз маълумотларини ҳеч кимга бермасликни, шунингдек, карталарга, интернет-ҳамёнларга ёки бошқа йўл билан олдиндан тўловни ўтказмасликни сўраймиз», — дея қайд этилган хабарда.

Изоҳлар 1

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг