Хабарлар тезкор Телеграм каналимизда Обуна бўлиш ×

«Отамни қўлимда кўтариб кўчага олиб чиқардим...»

«Отамни қўлимда кўтариб кўчага олиб чиқардим...»

Фото:«Xabar.uz»

Навоий вилоятининг Конимех туманида илк маротаба Ўзбекистон Республикаси Ички ишлар вазири ўринбосарининг сайёр қабули ташкил этилди. Сайёр қабулда 200 дан ортиқ аҳоли  иштирок этди. Фуқаролар учрашув давомида тиббий хизматдан фойдаланиш, йўл қурилиши, сув чиқариш, бандлик ҳамда ички ишлар органларига тааллуқли бўлган бошқа бир қатор масалалар билан мурожаат қилишди.

«Менинг отам 3 йилдан буён  тўшакка михланиб ётиб  қолганди. Шароитимиз келишмагани учун у кишига ногиронлик аравачаси олиб беролмаганмиз. Бундан олдин бир неча марта мутасадди  ташкилотларга ногиронлик аравачаси сўраб мурожаат қилган эдим. Лекин менинг сўровим эътибордан четда қолгани учун отамни елкалаб ташқарига олиб чиқардик,-дейди фуқаро Нарзулла Боймуродов алам билан. Бугун  юқоридан келган вазир ўринбосарининг  сайёр  қабулига келиб мурожаат қилган кунимнинг ўзидаёқ уйимизга ногиронлик аравачаси келтириб берилди». 

Таажжуб, бу савоб ишни тумандаги мутасаддилар  қилса бўлмасмиди?  Агар вазир ўринбосари келмаганида, бу муаммо яна неча йил муаммолигича қолармиди?

Шунингдек, сайёр қабул жараёнида ёзиб олинган мурожаатлар асосида 6 нафар фуқарога ногиронлик аравачаси, 4 нафар имконияти чекланган шахсларга махсус қўлтиқтаёқлар, 2 нафар фуқарога эшитиш аппарати олиб берилди. Шунингдек, 50 нафар мурожаатчининг тиббий хизмат, ишсизлик, нафақа олиш, ишни қайта тиклаш масалалари ўз жойида ижобий ечиб берилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг