«E-IJRO AUKSION» электрон савдо майдончасида нархи ярим миллиард сўмдан юқори баҳоланган 3 та автомобил очиқ аукционга қўйилди. Бу ҳақда «ЎзА» ёзмоқда.

Аукцион жорий йилнинг 19 апрель санасида бўлиб ўтиши белгиланган.

Аукционга қўйилган автомобиллар одатда шахсий коллекция учун йиғиладиган тарихий (антиквар) уловлар сирасига киради. Улар 648 483 546 сўмлик М-103 русумли автомобил ва нархи 527 593 963 сўм кўрсатилган BMW 511 ҳамда 600 217 528 сўм баҳоланаёган TRIUMPH русумли автомобиллар очиқ аукционда сотилиши кутилмоқда.

Автомобиллар хатланган мол-мулк бўлиб, уларнинг ҳақиқий эгаси собиқ «Ўрикзор» даҳасидаги улгуржи Карвон бозорининг собиқ директори Дмитрий Лимга тегишли экани айтилмоқда.

Дмитрий Лимга тегишли бўлган Тошкент шаҳрининг Учтепа туманидаги сув бўйида жойлашган кўчмас мулк объекти ҳам савдога қўйилганди.

«E-IJRO AUKSION» электрон аукцион савдо майдончасига, шунингдек Гулнора Каримованинг жияни Акбар Абдуллаевга тегишли эканлиги айтилган Паркент тумани Кумушкон қишлоғидаги нотурар кўчмас мулк объекти қўйилгани ҳам маълум бўлган.