Мурғак фарзандларини калтаклаб, видеога олган тошбағир ота топилди
Бугун ижтимоий тармоқларда номаълум эркакнинг икки нафар ёш болага нисбатан қўпол муносабатда бўлаётганлиги тасвирланган видео тарқалган эди.
ИИВ матбуот хизматининг хабар беришича, шу йил 15 январь куни олинган тасвирдаги эркак Наманган вилояти Чуст шаҳрида яшовчи 1991 йилда туғилган С.Пўлатов эканлиги аниқланган.
Фуқаро С.Пўлатов вояга етмаган фарзандларини ташлаб Россияга кетиб қолган турмуш ўртоғини қайтариш мақсадида ўзи видеога олганлиги ва турмуш ўртоғига юборганлиги, видео турмуш ўртоғи томонидан ижтимоий тармоқларга тарқатилганлигини маълум қилган.
Фуқаро С.Пўлатов қилган ишидан пушаймонлигини билдириб, ушбу ҳолат юртдошларимиз орасида шов-шувга ва уларнинг ҳақли эътирозига сабаб бўлганлиги учун кечирим сўраган.
Айни вақтда Чуст тумани ИИБ томонидан ҳолат бўйича ҳужжатлар расмийлаштирилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter