Ҳокимликдан олинган Абдумўмин Жўраевнинг сенаторлик ваколати муддатидан аввал тугатилди
Ўзбекистон Республикаси Олий Мажлисининг Сенати аъзоси Абдумўмин Жўраевнинг сенаторлик ваколати шу йилнинг 18 январидан тугатилди. Бу ҳақда Марказий сайлов комиссияси хабар берди.
Абдумўмин Суннатович Жўраевнинг халқ депутатлари Самарқанд вилоят Кенгаши депутати ваколати тугатилганлиги муносабати билан унинг сенаторлик ваколати муддатидан илгари тугатилган деб ҳисоблансин, дейилади Марказий сайлов комиссияси қарорида.
Мазкур қарор Ўзбекистон Республикаси Олий Мажлисининг Сенатига ҳамда халқ депутатлари Самарқанд вилояти ва Пайариқ тумани Кенгашларига юборилган.
Эслатиб ўтамиз, Абдумўмин Жўраев ўз аризасига кўра, Пайариқ тумани ҳокими вазифасидан озод этилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter