«Ўзгидромет» марказидан ҳафта давомида кузатиладиган об-ҳаво ҳақида маълумот берди.

Кавказ ҳудудидан кирган антициклон юртимиз устида аста-секин ҳаракат қилмоқда ва бу Ўзбекистон шимолига ўз таъсири кўрсатмоқда.

Душанба тонгида Самарқанд вилоятининг текислик ҳудудларида 1-4 см қалинликда қор қоплами ҳосил бўлди.

Бугун эса мамлакатимиз бўйлаб ёғингарчилик эҳтимоли сақланиб туради, фақат Фарғона водийси вилоятларида ёғингарчилик бўлмайди. Ҳарорат 0-5 даража илиқ атрофида бўлади.

21-22 январь кунлари совуқ ҳаво оқими юртимиз ҳудудларини қамраб олади. Айрим жойларда ёғингарчилик (ёмғир, қор) бўлади. Тунги ҳарорат 3-5 даража совуққача, шимолий ҳудудларда 8 даража совуққача пасаяди. Кундузи 0-5 даража илиқ бўлади.

23 январда совуқ антициклон шарққа ҳаракатланади, Ўзбекистон ҳудудининг катта қисми Туркманистон ҳудудидан кирган нам ҳаво оқимлари таъсирида бўлади. Бунда эса об-ҳавонинг очиқ ва қуёшли бўлиши кутилмоқда. Кундузги ҳарорат 7-9 даража илиққача кўтарилади. Тунги ҳарорат эса юқорида кўрсатилгандек сақланиб туради.

24-25 январда ғарбий антициклон кириши кутилмоқда. Илиқ жанубий оқимларнинг сақланиб туриши ҳисобига мамлакатимиз ҳудуди бўйлаб ёмғир ёғади. Тоғли туманларда ёғингарчилик (қор, ёмғир) бўлади. Шу кунларда ҳаво ҳарорати кечаси 2 даража совуқ – 3 даража илиқ, кундузи 2-7 даража илиқ бўлади, бу кўрсаткичлар йилнинг шу даври учун хос бўлган меъёрларга яқиндир.