Хабарлар тезкор Телеграм каналимизда Обуна бўлиш ×

Бир ойда 1700 дан ошиқ аёл зўравонликдан ҳимоя қилиш марказларига мурожаат қилди

Бир ойда 1700 дан ошиқ аёл зўравонликдан ҳимоя қилиш марказларига мурожаат қилди

Фото:«Advokatnews.uz»

Январь ойи давомида Республика бўйлаб зўрлик ишлатишдан жабр кўрган шахсларни реабилитация қилиш ва мослаштириш ҳамда ўз жонига қасд қилишнинг олдини олиш марказларига (шелтерлар) 1712 нафар аёл мурожаат қилган, деб маълум қилди Хотин-қизлар матбуот хизмати.

Шулардан 303 нафар аёлга тиббий, 434 – психологик, 377 – ҳуқуқий ёрдам кўрсатилган. 271 нафар аёлнинг бандлигини таъминлашга кўмак берилиб, 99 нафарига кредит олиб ўз ишини бошлашига ёрдам берилган, 487 нафар аёлнинг оиласи яраштирилган.

Бугунги кунга қадар Ўзбекистонда ташкил этилган шелтерлар сони 160 тага етган.

Ўзбекистондаги илк зўрлик ишлатишдан жабр кўрган шахсларни реабилитация қилиш ва мослаштириш ҳамда ўз жонига қасд қилишнинг олдини олиш маркази 2018 йилдан бошлаб республиканинг барча ҳудудларида ташкил этилмоқда. Бугунги кунгача марказлар томонидан юзлаб аёлларга тегишли ёрдамлар кўрсатилди.

 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг