Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Банк мансабдорларининг 30 та жинояти фош этилди – Департамент

Банк мансабдорларининг 30 та жинояти фош этилди – Департамент

Фото: Xabar.uz

Тадбиркорлик субъектларининг ҳуқуқ ва манфаатлари бузилиши билан боғлиқ 470 та ҳуқуқбузарлик ҳолати фош этилиб, уларга етказилган 86,1 млрд сўм миқдорда зарарларнинг ундириши таъминланди, дейилади Бош прокуратура ҳузуридаги Иқтисодий жиноятларга қарши курашиш департаменти хабарида.

Қўпол қонун бузилиши ҳолатлари бўйича 455 та жиноят иши қўзғатилди.

Коррупцияга оид жиноятларнинг соҳалар бўйича таҳлилига кўра:

Банк мансабдор шахсларининг 30 та жинояти фош этилган.

Бундан ташқари, ўз бизнесини йўлга қўйиш мақсадида банкларга мурожаат қилган 669 нафар фуқаронинг аризасидан фойдаланиб, уларнинг хабардорлигисиз банк мансабдор шахслари томонидан жами 29,6 млрд сўмлик имтиёзли кредитларни ноқонуний ажратилиб, талон-торож қилинганлиги аниқланган.

Мисол учун, АТ «Халқ банк» Ғазалкент филиали юридик шахсларга хизмат кўрсатиш бўлими бош мутахассиси 2,7 млрд сўм кредит талон-торож қилганлиги аниқланган.

Ер мулк кадастр агентлиги тизимидаги мансабдор шахслар томонидан содир этилган 12 та коррупциявий жинояти фош этилган.

Масалан, Хўжаобод туман «Ер мулк кадастри давлат корхонаси» мутахассиси Ж.И. 7 800 АҚШ доллар олган вақтида ашёвий далиллар билан ушланди.

Шу билан бирга, Бандлик тизими ҳамда газ таъминоти корхоналари – 6 тадан, солиқ, қурилиш, экология, бозорлар – 4 тадан, санитария-эпидемиологик марказлар – 5 тадан, давлат активларини бошқариш агентлиги, давлат хизматлари маркази, ички ишлар органлари – 2 тадан, статистика, сув таъминоти – 1 тадан ҳамда бошқа идораларда – 245  та жиноят содир этилганлиги аниқланган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг