Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

2025 йилга қадар сув танқислигидан 2 миллиард аҳоли азият чекиши мумкин

2025 йилга қадар сув танқислигидан 2 миллиард аҳоли азият чекиши мумкин

Фото: Ёшлар иттифоқи матбуот хизмати

Ўзбекистон экологик партияси Марказий Кенгаши Ижроия қўмитаси раиси  Борий Алихановнинг айтишича, ҳозирда Ер юзида 1,5 млрд аҳоли санитария нормаларига биноан хавфсиз ичимлик сувига эга эмас. Ҳар кун дунёда 5 минг киши ифлосланган ичимлик сувидан фойдаланиш оқибатида оламдан кўз юмади. 2025 йилга қадар сув танқислигидан  2 млрд. аҳоли азият чекиш эҳтимоли бор.

Алиханов бу ҳақда Ўзбекистон ёшлар иттифоқи Марказий Кенгашида «Ўзбекистон экологик партияси ва ёшлар – мақсад, режа, натижа» мавзусида онлайн вебинарда тўхталди. 

Вебинарда шунингдек, мамлакатимизнинг бугунги кундаги экологик вазияти, атроф-муҳитни асраш борасида олиб борилаётган ишлар ва мавжуд камчиликлар, уларни бартараф этиш чора-тадбирлари, экологик ривожланишда ёшлар иштирокининг аҳамияти кенг муҳокама этилди.

Шунингдек, инсоният бир йил давомида истеъмол этадиган энергияни Қуёш бир соатда бериши, қайта тикланувчи энергия  манбаларининг татбиқ этилиши натижасида Ер юзида ҳозирда 2,5 млн. киши иш билан таъминлангани ҳақида маълумотлар берилди.

Мулоқотда юртимизда соҳага оид амалга оширилаётган ислоҳотлар, она табиатни асраш, келгуси авлодларга бекамукўст етказишда ёшлар етакчиларининг ўрни ва вазифаси ҳамда бугунги кундаги орол муаммоси ҳақида фикр-мулоҳазалар юритилиб, аҳолининг экологияга бўлган нотўғри муносабати ва ундан келиб чиқаётган салбий иллатларни олдини олиш масаласи  ўртага ташланди. Жумладан, Орол денгизи  инқирози билан вужудга келган экологик муаммолар ва денгизнинг қуриган қисмида майдони 5,5 млн. га бўлган янги чўл – Оролқум билан боғлиқ тақдимотлар намойиш этилди.

Шаҳноза Нуриллаева

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг