Халқ банки Бошқаруви раиси Абдурасул Абдуллаев бошчилигидаги банк вакиллари Польша Республикасининг «Bank Gospodarstwa Krajowego BGK» банки раҳбарлари учрашдилар. Бу ҳақда Халқ банки матбуот хизмати хабар берди.

Ушрашув давомида банклар ўртасида икки томонлама алоқалар ўрнатиш, жумладан банк вакиллик ҳисоб варақларини очиш ҳамда инвестицион лойиҳаларни ва савдони молиялаштириш учун кредит линияларни жалб қилиш масалалари бўйича музокаралар олиб борилди.

«Bank Gospodarstwa Krajowego BGK» банки томонидан мамлакатлар ўртасидаги чорвачилик тармоғидаги лойиҳаларни молиялаштириш масаласига қизиқиш билдирилиб, томонлар ушбу йўналишда ҳамкорлик ўрнатишга келишиб олишди.

Таъкидлаш лозимки, «Bank Gospodarstwa Krajowego BGK» 1924 йилда ташкил этилган энг йирик Польша давлат банкларидан бири бўлиб,асосий фаолияти кичик ва ўрта бизнесни қўллаб-қувватлаш, уй-жойлар учун арзон кредитлар ажратиш ва экспорт битимларини молиялаштириш ҳисобланади.

Шунингдек, хизмат сафари давомида Польша Республикасининг «Contractus», «Global Business Promotion Group», «Skybone», ва «Przedsiebiorstwo Holstein» каби чорвачилик соҳасидаги йирик компания раҳбарлари билан ҳам учрашувлар ташкил қилиниб, келажакда ҳамкорлик алоқаларини ўрнатиш юзасидан келишиб олинди.