Коронавирус жаҳон иқтисодиётига 5 триллион доллар зарар етказади
Коронавирус (COVID-19) пандемияси икки йил давомида жаҳон иқтисодиётига 5 триллион доллар зарар етказади, деб хабар берди ТАСС.
Хабарда айтилишича, ҳукуматлар хусусий бизнесни «уйда ўтиришга мажбур қилгани» учун дунё тинчлик замонларида 1930-йиллардан бери энг чуқур рецессияга чўкади.
Албатта, прогнозлар шўнғиш узоқ чўзилмаслигини, иқтисодиётлар (мамлакатлар) ўзини тиклаб олиши учун вақт керак бўлишини кўрсатмоқда, — хусусан, «Bloomberg» агентлиги экспертлар хулосаларини бермоқда.
Масалан, «Citigroup» банк компанияси бош иқтисодчиси Кэтрин Маннинг фикрича, жаҳон иқтисодиёти $5 трлн.дан зиёд зарар кўради.
«JPMorgan Chase» банки прогнозлари янада аниқроқ, кўриладиган зарар — $5,5 трлн. Банк мутахассисларига кўра, ривожланган мамлакатлар 2008-2009 йиллардаги ҳамда 1974-1975 йиллардаги каби иқтисодий инқирозга учрайди.
ЖССТ маълумотларига кўра, айни пайтга келиб, коронавирус 200 дан ортиқ мамлакат ва ҳудудларда қайд этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter