Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

АКТ вазирлигида япониялик мутахассис иш бошлади

АКТ вазирлигида япониялик мутахассис иш бошлади

Ўзбекистон Республикаси Ахборот технологиялари ва коммуникацияларини ривожлантириш вазирлигида япониялик мутахассис Этсуаки Ёшида иш бошлади.

Этсуаки Ёшида 1971 йил Японияда туғилган ва меҳнат фаолиятини Япония банкида бошлаган. Этсуаки Ёшида турли йилларда Япония халқаро молия маркази, тадқиқотлар ва статистика департаменти, Япония халқаро ҳамкорлик банки (ЖБИК)да қатор масъул лавозимларда фаолият юритган.

Этсуаки Ёшида бугунги кунга қадар Япония халқаро ҳамкорлик банки Кредит, баҳолаш ва хатарларни бошқариш гуруҳи Мамлакатни кредитлаш департаменти 3 бўлим директори ва бош иқтисодчиси вазифасида ишлаган.

Эндиликда япониялик мутахассис Ахборот технологиялари корхоналарининг инвестиция фаолиятини жадаллаштириш, техник ва технологик жиҳатдан қайта қуроллантириш дастурини амалга оширишда хорижий инвестициялар ва халқаро кредит линияларини жалб қилиш билан шуғулланади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг