Самарқандда қиппа-яланғоч «сайр»га чиққан эркакларга суд ҳукми ўқилди
Ижтимоий тармоқларда икки нафар яп-яланғоч эркакнинг Самарқанд шаҳри кўчасида юриб бораётгани, сўнг омма томонидан ушлаб олиниб, сўроқ қилингани акс этган видео тарқалганди.
Воқеа 29 февраль куни тунги соат 23:50 атрофида Самарқанд шаҳри, Сартепо масканида содир бўлган.
Ушбу тартиббузарларнинг шахси аниқланиб, ҳолат юзасидан Ўзбекистон Республикаси Маъмурий жавобгарлик тўғрисидаги кодекснинг 183-моддаси (майда безорилик) билан маъмурий баённома расмийлаштирилгани ҳақида хабар берилганди.
Самарқанд вилояти ИИБ ахборот хизмати маълум қилишича, Самарқанд шаҳар Маъмурий ишлар бўйича судининг 2020 йил 2 март кунидаги қарорига асосан Маъмурий жавобгарлик тўғрисидаги кодекснинг 183-моддаси (майда безорилик)да кўрсатилган ҳуқуқбузарликни содир этганликлари учун, фуқаро Ж.Н.га 15 суткага муддатга, фуқаро Ў.Т.га 15 суткага муддатга, фуқаро Х.Д.га 10 суткага муддатга маъмурий қамоқ жазоси тайинланди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter