Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ўзбекистон чемпиони оғир жиноятга қўл урди, сўнг... ўзини «милиция»га топширди

Ўзбекистон чемпиони оғир жиноятга қўл урди, сўнг... ўзини «милиция»га топширди

Иллюстратив фото

Спортнинг Taekwondo WTF тури бўйича Ўзбекистон чемпиони ва Осиё чемпионати совриндори бўлган Ж. оғир жиноятга қўл урди. У спортда эришган ютуқлари асосида берилган имтиёз асосида яқинда Ўзбекистон Миллий университетига қабул қилинганди.

Жиноят ишлари бўйича Қўқон шаҳар судининг судьяси Э.Ҳакимовнинг ЎзАга маълум қилишича, эндигина 18 ёшни қаршилаган Ж.нинг болаларча қизиқиши Ўзбекистон тумани ИИБ ЙҲХГга қарашли «Шодлик» МФЙ ҳудудида жойлашган жарима майдонида сақланаётган «JAWA» русумли мотоциклни ўғирлик йўли билан олиб қочишга ундади.

У 2020 йил 2 сентябрь куни соат 02:00 ларда «JAWA» русумли мотоциклни ўғирлаб олиб чиқди-ю, йўлда кетаётганда қилган ишидан афсусланиб, ўзи яшайдиган маҳалла профилактика инспекторининг телефон рақамига қўнғироқ қилиб, қилмишини айтиб, айбини бўйнига олди.

Бироздан сўнг, етиб келган профилактика инспектори тегишли ҳужжатларни расмийлаштирди. Мотоцикл жарима майдончасига, Ж. эса қамоққа равона бўлди.

Суд мажлисида сўроқ қилинган Ж. мототцикл минишга жуда қизиққани сабабли шу ишни қилгани, уни бир кун миниб, кейин яна жойига олиб бориб қўймоқчи бўлганини билдирган.

Мотоцикл эгаси эса суддан Ж.нинг келажагини барбод қилмасликни, агар у озодликдан маҳрум қилинадиган бўлса, ўша мотоциклини керак бўлса ёқиб юборишини, Ж. содир этган жиноят натижасида ҳеч қандай моддий зарар кўрмагани, уни кечирганини айтиб, озодликдан маҳрум қилиш билан боғлиқ бўлмаган енгилроқ жазо тайинлашни сўраган.

Ж. ўзининг жиноий ҳаракатлари билан Ўзбекистон Республикаси Жиноят кодексининг 267-моддаси 2-қисми «г» бандида кўрсатилган жиноятни қасддан содир этган. У Жиноят кодексида белгиланган модда санкцияси доирасида 10 йилдан 15 йилгача озодликдан маҳрум қилиниши мумкин эди.

Лекин суд Ж.га жазо тайинлашда содир этилган жиноятнинг хусусияти жабрланувчига зарар етказилмагани, унинг университет талабаси экани, спортда эришган ютуқлари, айбини бўйнига олиш тўғрисида арз ва пушаймонлигини ҳисобга олди.

Шуннгдек, Ўзбекистон Ёшлар иттифоқи Фарғона вилоят кенгаши томонидан берилган ижобий тавсифномани ҳисобга олиб, суд ЖКнинг 57-моддасини қўллаб, модда санкциясида назарда тутилмаган озодликни чеклаш жазоси тайинлашни, Ж.га кеч соат 21:00 дан эрталаб соат 6:00 гача яшаш жойидан чиқмаслик, назорат қилувчи органнинг розилигисиз яшаш ва ўқиш жойини ўзгартирмаслик каби тақиқларни юклаб, қамоқдан озод қилишни лозим топди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг