Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ёнғин хавфсизлиги хизмати Марғилон бозоридаги ёнғин бўйича баёнот берди

Ёнғин хавфсизлиги хизмати Марғилон бозоридаги ёнғин бўйича баёнот берди

Фото: ДЁХХ

Фарғона вилояти Марғилон шаҳридаги бозорда ёнғин келиб чиққани ҳақида хабар берган эдик. Давлат ёнғин хавфсизлиги хизмати томонидан бу борада расмий маълумот бериб ўтилди.

2019 йилнинг 9 июн санасида, тунги соат 02:05да Фарғона вилояти Марғилон шаҳар ЁХБ диспетчерлик хизматига Марғилон шаҳар, Пичоқчи МФЙ, Хиёбон кўчаси 174-уйда жойлашган «Марғилон умумий улгуржи савдо комплекси» МЧЖда ёнғин содир бўлаётгани ҳақида хабар келиб тушган.

Хабар асосида биринчи бўлинмалар соат 02:10да воқеа жойига етиб борганда савдо комплексининг кенг майдонда қурилиш конструкциялари ва савдо дўконларининг том қисмидан қуюқ тутун аралаш аланга чиқиб ёнаётгани маълум бўлган. Кўрилган тезкор ҳаракатлар натижасида ёнғин соат 04:20да қуршаб олиниб, 05:40да батамом ўчирилган. Ёнғинга жами 19 та асосий ва 3 та махсус ёнғин ўчириш автомобиллари жалб этилган. Тан жароҳати олганлар ва ҳалок бўлганлар йўқ.

Ёнғин оқибатида савдо комплекси биносининг (тим) таҳминан 1575 кв.м майдонидаги қурилиш конструкциялари ва тадбиркорларга тегишли бўлган савдо расталар, тез ёнувчи материаллардан (тахта-ёғоч, ДВП, пластик ва ҳ.) қурилган савдо дўконлар ва улар ичида сақланган озиқ-овқат маҳсулотлари ёниб зарарланган. Амалга оширилган тезкор ҳаракатлар натижасида савдо комплексининг 8.865 кв.м майдони сақлаб қолишга эришилди.
Ёнғинни келиб чиқиш сабаби ва етказилган моддий зарар аниқланмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг