Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ёнғин чиққан юк автомобили тиркамасидан боши билан йиқилган фуқаро воқеа жойида ҳалок бўлди

Ёнғин чиққан юк автомобили тиркамасидан боши билан йиқилган фуқаро воқеа жойида ҳалок бўлди

Фото: ФВВ ЁХББ ОАВ билан ҳамкорлик қилиш бўлинмаси

2019 йилнинг 10 июль куни соат 06:51 да Қашқадарё вилояти Шаҳрисабз тумани «Шакартери» МФЙ, Шовкан қишлоғидан ўтувчи йўлдан ҳаракатланиб кетаётган «КАМАЗ» русумли юк автомобили тиркамасида сомон ёнаётганлиги ҳақида туман ЁХБ диспетчерлик хизматига хабар келиб тушган.

ФВВ ЁХББ ОАВ билан ҳамкорлик қилиш бўлинмаси хабар беришича, воқеа жойига 2 та ёнғин ўчириш бўлинмаси юборилган. Бўлинмаларнинг тезкор ҳаракатлари натижасида ёнғин бартараф этилган ва ёнғиндан юк автомобили ҳамда унга ортилган 400 дона сомон ғарами (пресс) асраб қолинган.

Ёнғин ўчириш бўлинмалари етиб келгунига қадар ёнғинни ўчиришга уринган икки йўловчилардан бири — фуқаро Ш.Э. куйиш тан жароҳати олган ва у шифохонага юборилган, иккинчи фуқаро Н.З. эса тиркамадан бош қисми билан ерга йиқилиб, воқеа жойида ҳалок бўлган.

Ёнғиннинг тахминий келиб чиқишига юк автомобили ва тиркамасига ортилган сомон прессларининг устки қисми электр сим ёғочнинг симларига тегишидан ҳосил бўлган қисқа туташув сабаб бўлган. Ёнғин ҳолати юзасидан терговга қадар текширув ишлари олиб борилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг