Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Қорақалпоғистон прокуратураси Нукусда уй томларининг шамолдан учиб кетиши ҳолатини ўрганмоқда

Қорақалпоғистон прокуратураси Нукусда уй томларининг шамолдан учиб кетиши ҳолатини ўрганмоқда

Фото: «ЎзА»

Ўтган ҳафта Қорақалпоғистонда кучли шамол зарар етказган 34 та уй томининг 20 таси профнастилдан тайёрланган, дея хабар қилди Қорақалпоғистон Турар жой-коммунал хизмат кўрсатиш вазирлигига таяниб «Газета.uz». Қолган 14 та уйнинг томи эса асбест цементли шиферлар билан ёпилган.

10 та уйнинг томи тўлиқ учириб юборилган, уларнинг 8 таси — профнастилдан, 2 таси эса шифердан. Қолган уйларнинг томлари 10−80 фоиз шикастланган (батафсил статистика).

Зарар кўрган уйларнинг катта қисми — 8 та уйда 2018 йилда қурилиш-таъмирлаш ишлари олиб борилган (2013 йилда — 5 та уй, 2017 йилда — 4, 2014, 2015 ва 2019 йилларда — 3 тадан, 2016 йилда — 2).

Қурилиш ва таъмирлаш ишларини «Таъмирлаш-тиклаш хизматлари» ДУК (2 та уй), Azat Invest Story (2), Jayxun Universal Qurulis (2), Qutlimurat Qurilis (2), Nukus Temir Beton (1), Azizbek Nukus (1), Sabina Sayora Kommunal Servis (1), Nukus Guldarxal (1), Qaraqalpaq Awil Jay Qurilis Onlaw (1), Kegeyli Qurilis Montaj (3) ва Prima Nukus (1) компаниялари олиб борган.

14 июнь куни 20:32 дан 20:38 гача Нукусда ва Қорақалпоғистоннинг бошқа туманларида кучли шамол қайд этилиб, унинг тезлиги 18−23 м/с гача борди. Нукусда шамол 27 та, Хўжайли туманида — 2 та, Шуманайда — 4 та ва Ташиатош туманида — 1 та уйнинг томига шикаст етказди.

Асосан янги қурилган уйларнинг томлари бинодан қўпорилиб, одамлар ҳаётига хавф туғдирган ҳолда пастга қулаган. Ўтиб кетаётган ва қўйиб кетилган автомобиллар, кўп йиллик дарахтларга зарар етказган.

Ўзбекистон Бош прокуратурасининг нашрга хабар қилишича, Қорақалпоғистон прокуратураси вазиятни ўрганмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг