Хабарлар тезкор Телеграм каналимизда Обуна бўлиш ×

Мингбулоқда биринчи нефть қазиб олинди

Мингбулоқда биринчи нефть қазиб олинди

Наманган вилоятидаги Мингбулоқ нефть конини ўзлаштириш бўйича инвестиция лойиҳасига асосан синов тариқасида биринчи нефть қазиб олинди. Бу ҳақда Энергетика вазирлигининг матбуот хизмати хабар берди.

Лойиҳани амалга оширувчи масъулияти чекланган жамият шаклидаги «Мингбулоқнефть» қўшма корхонаси «Ўзбекнефтгаз» акциядорлик жамияти ва Хитой миллий нефть-газ корпорацияси  – «CNPC» томонидан ташкил этилган.

Лойиҳа Ўзбекистон ва Хитой Халқ Республикаси ўртасида энергетика соҳаси бўйича ҳамкорликда амалга оширилаётган энг йирик лойиҳалардан бири бўлиб, у «Бир макон – бир йўл» тарихий стратегияси доирасида амалга оширилмоқда.

Экспертларнинг фикрича, Мингбулоқ кони бир неча сабабларга кўра мураккаб лойиҳа саналади. Конни ўзлаштириш: катта чуқурлик (6000 м ва ундан юқори); юқори резервуар босим (115 МПа дан ортиқ) ва резервуар ҳарорат (168°С дан ортиқ) ва каби омилларга шулар жумласидандир.

Маълумот ўрнида, Хитойнинг Тарим ҳавзасидаги бундай конларни ўзлаштиришда «СNPC» нефть компанияси катта тажриба орттирган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг