Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Фарғонада қўлбола ўтин печидан ёнғин чиқди. Ёнғинни ўчиришда уй бекаси набирасининг жасади топилди

Фарғонада қўлбола ўтин печидан ёнғин чиқди. Ёнғинни ўчиришда уй бекаси набирасининг жасади топилди

Фото: ФВВ ЁХББ

2019 йилнинг 20 декабрь куни соат 5дан 20 дақиқа ўтганда Фарғона вилояти Ўзбекистон тумани «Обод» МФЙ Бўстон кўчасида жойлашган 36-уйда ёнғин бўлаётганлиги ҳақида ёнғин-қутқарув қисмига хабар келиб тушган.

ФВВ ЁХББ ОАВ билан ҳамкорлик қилиш бўлинмаси хабар беришича, воқеа жойига 2 та ёнғин ўчириш бўлинмалари жалб этилган. Бўлинмалар чақирилган манзилга 10 дақиқада етиб борган вақтда яшаш уйининг ички ва том қисми очиқ аланга билан ёнаётганлиги маълум бўлган.

Кўрилган ҳаракатлар натижасида ёнғин соат 05:33 да қуршаб олинган ва соат 06:00да тўлиқ бартараф этилган.

Ёнғин оқибатида яшаш уйининг 45 кв.метр майдонда томи, шифти ва ички жиҳозлари ёниб зарарланган. Сақлаб қолинган майдони 100 кв.метр.

Ачинарлиси, ёнғинни ўчириш вақтида уй бекасининг набираси – 2003 й.т. фуқаро А.С.нинг куйган ҳолдаги жасади топилган.

Фото: ФВВ ЁХББ

Ёнғинни тахминий сабаби қўлбола ўтинли иситиш печини ёқиб назоратсиз қолдирилиши.

Ёнғин ҳолати юзасидан терговга қадар текширув ишлари олиб борилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг