Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Фарғонада карантиндан қочган шахсга нисбатан жиноят иши қўзғатилди

Фарғонада карантиндан қочган шахсга нисбатан жиноят иши қўзғатилди

2020 йил 7 апрель куни Қирғизистондан Ўзбекистонга келган фуқаро Х.С. (2002 й.т.) Фарғона шаҳрида ташкил этилган карантин ҳудудига тиббий кўрикдан ўтиш учун ётқизилган. Бирок, у эпидемияга қарши кураш қоидаларини бузиб, карантин ҳудудидан номаълум томонга қочиб яширинган.

Бош прокуратура матбуот хизматига кўра, олиб борилган тезкор қидирув тадбирлари натижасида, фуқаро Х.С. Фарғона шаҳар, Муборак кўчасидаги уйда яширинганлиги аниқланиб, карантин ҳудудига қайтарилган.

Мазкур ҳолат юзасидан 9 апрель ЖКнинг 257-1-моддаси (Санитарияга оид қонун ҳужжатларини ёки эпидемияга қарши кураш қоидаларини бузиш) билан жиноят иши қўзғатилди.

Тергов ҳаракатлари олиб борилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг