Мексикада немисча авторақамлар урфга киряпти
«T-Online» хабар беришича, Мексикада, ҳайдовчилар ташқи кўриниши ҳақиқий Германия машиналариникига ўхшаш автомобиль давлат белгиларини сотиб олишлари мумкин.
Мексикада сотилаётган немисча дизайндаги рақамларда ҳам мамлакат номини англатувчи D ҳарфи, бургут (Германия гербидаги) ва Европа иттифоқи байроғи бор. Шахсий хоҳишга қараб автомобиль русуми логотипи қўшимча қилинади. Булар учун 130 песо (5,8 евро) тўланса бас.
Қолаверса, мексикаликларга испан ва япон автомобиль рақамлари ҳам таклиф этилмоқда. Бироқ немисча рақамларга талаб энг юқори. Чунки мексикаликлар Германияда ишлаб чиқарилган нарсалар ҳақиқий сифатга эгалигига ишонишади.
Мексикада кунига ўртача 2 мингтагача немисча авторақам сотилмоқда. Автомобиль белгиларининг креатив дизайни мамлакатга шимолдан — АҚШдан кириб келган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter