Хабарлар тезкор Телеграм каналимизда Обуна бўлиш ×

Евробензин. Энг ҳамёнбопи қаерда?

Евробензин. Энг ҳамёнбопи қаерда?

Фото: «BBC»

«РИА Рейтинг» Европанинг қайси мамлакатларида энг ҳамёнбоп бензин сотилишини аниқлади. Хабарга кўра, люксембургликлар ҳаммадан кўра қулай нархлардаги бензинни харид қилишмоқда.

Иккинчи ўринда — Норвегия. Тўғри, бу ерда ёнилғи нархи қиммат, бироқ маош ҳам Европа бўйича энг юқорилардан. Етакчи бешталикка Австрия, Ирландия ва Буюк Британия ҳам киритилди.

Россия 16-ўрин билан рейтингнинг ўрталарини забт этди.

Буни қарангки, рейтингга кўра, ёнилғи нархининг энг юқори кўрсаткичи Украина аҳолисига тўғри келган. Мамлакат фуқароси муайян пулга люксембургликларга қараганда 10, россияликларга нисбатан 3,3 баравар кам бензин харид қилади. Яна шуниси ҳам ажабланарлики, Украинада бензин нархи Европа бўйича энг арзони, аммо уларда иш ҳақи ҳам жуда паст-да.

Рейтингнинг энг қуйи ўринларини Болгария, Руминия, Латвия ва Беларусь эгаллаган.

Таҳлил 2019 йил июль ойи бошларига тааллуқли статистик маълумотларга таяниб, Европа мамлакатлари аҳолисининг ўртача ойлик маоши ҳамда 95 рақамли бензин нархидан келиб чиқиб амалга оширилган. Фақат Норвегия ва Украина учун 2019 йилнинг май ойидаги маълумотлардан фойдаланилган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг