Хабарлар тезкор Телеграм каналимизда Обуна бўлиш ×

Дунёдаги энг тез трактор рекордлар китобига кирди (видео)

Дунёдаги энг тез трактор рекордлар китобига кирди (видео)

Фото: «Motor»

JCB компанияси ишлаб чиққан «Fastrac» трактори соатига 241,4 километр тезлик олиб, Гиннесснинг рекордлар китобига киритилди, дея хабар берди «Motor».

Рекорд Американинг Элингтон шаҳри аэродромида ўтказилган синов чоғи қайд этилди. Трактор рулига ўтирган пойгачи Гай Мартин тезликни 241,4 км/соатгача чиқара олди. Тўғри, Рекордлар китобига 217,6 км/соат киритилди, чунки қоида бўйича икки уринишнинг ўртача қиймати инобатга олинди.

Эслатиб ўтамиз, Мартин шу йилнинг ёзида ҳам «Fastrac» тракторини бошқарган ва тезликни 167 км/соатгача чиқара олганди.

«Motor»

Шундан сўнг компания муҳандислари «Fastrac» устида анча ишлашди. Двигателига электр симли насос ҳамда 2500 бар босимли ёнилғи насоси ўрнатиб, турбинага босимни 230 фоизга оширишди.

«Fastrac»нинг олдингиси 1014 от кучига эга эди, бу сафар қанақа — компания маълум қилмади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг